അവന്തിക എസ്. കുമാര്‍ കന്യാവാകും

പനയ്ക്കറ്റോടിലന്പലത്തിലെ താലപ്പൊലിയെഴുന്നള്ളത്തിനുള്ള ഈ വര്‍ഷത്തെ കന്യാവാകുവാനുള്ള അനുഗ്രഹം ലഭിച്ചത്, തെക്കുംഭാഗം വളയാപ്പള്ളില്‍ വീട്ടില്‍ ശ്രീകുമാറിന്‍റെയും സന്ധ്യയുടെയും മകള്‍ അവന്തിക എസ്. കുമാറിനാണ്. ദേവി പണ്ട് ദേശരക്ഷയ്ക്കുവേണ്ടി നടത്തിയ ഊരുവലത്തിന്‍റെ സ്മാരകമായി ആണ്ടുതോറും

ഉത്സവാരംഭത്തിന്‍റെ തലേദിവസം നാലുകരകളിലെയും കന്യകമാരുടെ താലപ്പൊലിയോടുകൂടി ദേവിയെ ഊരുവലത്തായി എഴുന്നള്ളിക്കുന്നു. ക്ഷേത്രം നില്‍ക്കുന്ന കരയിലെ ഒരു ബാലികയെ ദേവിയായി സങ്കല്‍പ്പിച്ചാണ് താലപ്പൊലിയെഴുന്നള്ളത്ത് നടത്തുന്നത്. ഈ ബാലികയെ കന്യാവ് എന്ന് വിളിക്കുന്നു.