തിരുവുത്സവത്തിന് ഇന്ന് തുടക്കമായി

ചവറതെക്കുംഭാഗം മേജര്‍ ശ്രീ പനയ്ക്കറ്റോടില്‍ ഭഗവതീക്ഷേത്രത്തിലെ ഈ
വര്‍ഷത്തെ തിരുവുത്സവത്തിന് ഇന്ന് തുടക്കമായി. ദേവിയുടെ തങ്കയങ്കിയും തിരുവടയാളവും വഹിച്ചുകൊണ്ടുള്ള ഘോഷയാത്ര ഇന്ന് ഉച്ചയ്ക്ക് ഒരു മണിയോടെ കൊല്ലം ആനന്ദവല്ലീശ്വരം ക്ഷേത്രത്തില്‍ നിന്ന് പുറപ്പെട്ടു. ഘോഷയാത്ര അല്പസമയത്തിനകം ക്ഷേത്രത്തിലെത്തിച്ചേരും. തുടര്‍ന്ന് ദേവിക്ക് തിരുവാഭരണം ചാര്‍ത്തി ദീപാരാധന നടത്തും. നാളെയാണ് പൊങ്കാല മഹോത്സവം. ആയിരങ്ങള്‍ പങ്കെടുക്കുന്ന പൊങ്കാലയ്ക്കുവേണ്ട ഒരുക്കങ്ങള്‍ ക്ഷേത്രത്തില്‍ പൂര്‍ത്തിയായി കഴിഞ്ഞു.